花生時間：
都話啲大陸麻煩投訴女病人冇咁易放過診所，一定咬實㗎啦。我唔知膠層最尾send咗投訴信嘅內容係咩，但係經理今日叫替假姑娘Fax子宮頸癌針嘅宣傳單張俾佢。最尾嗰頁有藥廠代表嘅聯絡電話。經理想叫病人，再有任何子宮頸癌針嘅問題就自己打去問藥廠。
呀經理，乜你仲搞唔掂個病人咩？你咁樣樣算唔算推卸責任？射波比藥廠就算。咁你都係解釋得唔好，因住你俾人投訴埋！
～～～
好彩有兩單笑料氹我開心
1. 有個大陸病人，識聽啲廣東話。佢腸胃炎，嘔左好多次。我想問佢對上一次嘔係幾時，我用廣東話口快快講左：「你LA-ST上一次嘔係幾時？」
（我個「LAST」係廣東話式，兩個音。自己幻想下先。）
佢下一句答我：「拉屎？對我拉了兩次！」
2. 有個熟嘅病人過嚟登記。佢每次都着到孔雀開屏咁過嚟。姑娘問佢使唔使探熱，佢話佢冇發燒。跟住佢喺胳肋底即刻攞支水銀探熱針出嚟俾姑娘睇。
PS： 我都幾鍾意同呢個孔雀病人傾計。唔知點解，我好易氹得到佢開心，所以佢覺得我係一個開心果。今日佢講佢返工嘅壓力俾我聽。我氹完佢之後，佢自己口快快講話我啲咁樂天嘅性格，一定冇工作壓力，或者好識得去面對壓力。 我冇同佢講真話，但係有苦自己知。So ironic haha.
～～～
食番D好西先
Search